അവിയല്‍

ശരീരത്തിനാവശ്യമായ എല്ലാ പോഷണ മൂല്യങ്ങളും അടങ്ങിയിട്ടുള്ളതിനാല്‍ അവിയല്‍ തന്നെ ഒരു സമീകൃതാഹാരമാണ്. ഏതു സസ്യവും ഇതില്‍ ചേര്‍ക്കാം എന്നതാണിതിന്റെ സൗകര്യം.
വഴക്കായ്‌ - രണ്ടെണ്ണം
പടവലങ്ങ - രണ്ട് ഇഞ്ച്‌ നീളം
വെള്ളരിക്ക - 200ഗ്രാം
കൊത്തവര - 20എണ്ണം
പച്ചമുളക് - നാലെണ്ണം
കാരറ്റ്‌ - ഒന്ന്
ചേന - 70ഗ്രാം
മുരിങ്ങക്കായ്‌ - ഒന്ന്
പച്ചമാങ്ങ - രണ്ട് കഷ്ണം
മുളക് പൊടി - രണട് ടീസ്പൂണ്‍
മഞ്ഞള്‍പൊടി - അര ടീസ്പൂണ്‍
ജീരകം - കാല്‍ ടീസ്പൂണ്‍
ചുവന്നുള്ളി - പത്തു കഷ്ണം
തേങ്ങ - അരമുറി
കറിവേപ്പില - ആവശ്യത്തിന്
പച്ചക്കറികളെല്ലാം ഏകദേശം ഒന്നര ഇഞ്ച്‌ നീളത്തില്‍ കട്ടി കുറച്ച് അരിഞ്ഞ് വക്കുക. ഒരു ചട്ടിയില്‍ വെള്ളം തിളപ്പിച്ച് കൊത്തവര, ചേന, മുരിങ്ങക്കായ്‌ ഇവ ഇട്ട് പകുതി വേവാകുമ്പോള്‍ ബാക്കി കഷ്ണങ്ങളും ഇട്ട് വേവിക്കുക. തിളച്ചു കഴിയുമ്പോള്‍ ഉപ്പ്‌, മുളകുപൊടി, മഞ്ഞള്‍പൊടി, ഇവ ചേര്‍ത്ത് അടച്ചു വച്ച് വേവിക്കുക. കഷ്ണങ്ങള്‍ വെന്തു കഴിയുമ്പോള്‍ ചുവന്നുള്ളി, തേങ്ങ, ജീരകം, കറിവേപ്പില ഇവ അധികം അരയാത്ത പരുവത്തില്‍ യോജിപ്പിച്ച് കഷ്ണങ്ങളില്‍ ചേര്‍ത്തിളക്കി അഞ്ചുമിനിട്ട് നേരം അടച്ചുവെച്ച് വെളിച്ചെണ്ണ ഒഴിച്ച് ഇറക്കിവെക്കുക.